Na Koi Khawaab Na Saheli Thi, Es Mohabbat Main Main Akeli Thi,

Poetess:Noshi Gilani

Type By

*._.Murtaza._.*

Na Koi Khawaab Na Saheli Thi,

Es Mohabbat Main Main Akeli Thi,

ISHQ Main Tum Kahan Ke Sache Thay,

Jo Aziyat Thi Hum Ne Jheli Thi,

Yaad Ab Kuch Nahi Raha Lekin,

Aik Daira Tha Ya Haveli Thi,

Jis Ne Uljha Ke Rakh Diya Dil Ko,

Wo Mohabbat Thi Ya Pahelli Thi,

Main Zara Si Bhi Kam Wafa Karti,

Tum Ne To Meri Jaan Le Li Thi,

Waqt Ke Saanp Kha Gaye Us Ko,

Mere Aangan Main Ik Chanbelli Thi,

Es Shab-E-Gham Main Kis Ko Batlaa'on,

Kitni Roshan Meri Hathelli Thi.........!

Book:

Mohabbat Jab Shumaar Karna