Ye Kis Ne Kaha Tum Kooch Karo ? Baatein Na Banao INSHA JEE, Ye Shehar Tumhara Apna Hai, Ise Chorr Na Jao INSHA JEE

Insha Jee Ab Utho Kooch Karo Ghazal Ka Insha Jee Ko Jawab Qateel Sahib Ne Diya Tha Wo Paish-E-Khidmat Hai Aaj Mehfil Mein

Poet Qateel Shifai

Type By
Uroosa Emaan

Ye Kis Ne Kaha Tum Kooch Karo ?
Baatein Na Banao INSHA JEE,

Ye Shehar Tumhara Apna Hai,
Ise Chorr Na Jao INSHA JEE,

Jitne Bhi Yahan K Baasi Hain,
Sub K Sub Tum Se Pyar Karein,

Kaya In Se Bhi Mun,h Phero Ge ?
Ye Zulam Na Dhao INSHA JEE,

Kaya Soch K Tum Ne Seenchi Thi ?
Ye Kesar Kiyaari Chaahat Ki ?

Tum Jin Ko Hansaane Aaye The,
Un Ko Na Rulao INSHA JEE,

Tum Lakh Siyaahat K Ho Dhani,
Ik Baat Hamari Bhi Mano,

Koi Jaa K Jahan Se Aata Nahi,
Us Des Na Jao INSHA JEE,

Bikhraate Ho Sona Hurafoun Ka,
Tum Chaandi Jese Kaaghaz Par,

Phir In Mein Apne Zakhamoon Ka,
Mat Zehar Milao INSHA JEE,

Ik Raat To Kaya Wo Hashar Talak,
Rakhe Gi Khula Darwaaze Ko,

Kab Lot K Tum Ghar Aao Ge ?
Sajni Ko Batao INSHA JEE,

Nahi Siraf QATEEL Ki Baat Yahan,
Kahein SAHIR Hai Kahein AALI Hai,

Tum Apne Puraane Yaaroon Se,
Daman Na Churrao INSHA JEE..............!
.
Book Aamookhta