Poetess:Anbreen Haseeb
Type By
*.__NOMI__.*
Tumhara Jo Sahara Ho Gaya Hai
Bhunvar Bhi Ab Kinaara Ho Gaya Hai
Muhabbat Mein Bhala Kia Aur Hota
Mera Ye Dil Tumhara Ho Gaya
>>>>>>>>>>>><<<<<<<<<<<<
Tum Bhi Naa'n
>>>>>>>>>>>><<<<<<<<<<<<
Dehaan Main Aa Kar Baith Gaye Ho Tum Bhi Naa'n
Mujhe Musalsal Dekh Rahe Ho Tum Bhi Naa'n
De Jate Ho Mujh Ko Kitnay Rang Naye
Jaise Pehli Baar Milay Ho Tum Bhi Naa'n
Har Manzar Mein Ab Hum Dono Hotay Hain
Mujh Mein Aise Aan Basey Ho Tum Bhi Naa'n
Ishq Ne Yun Dono Ko Hum-Aamaiz Kia
Ab To Tum Bhi Keh Detay Ho Tum Bhi Naa'n
Khud Hi Kaho Ab Kaise Sanwar Sakti Hon Main
Aainey Mein Tum Hotay Ho Tum Bhi Naa'n
Bankay Haseen Honton Par Bhi Rehtay Ho
Ashkon Mein Bhi Tum Rehtay Ho Tum Bhi Naa'n
Meri Band Aankhein Bhi Tum Parh Laitay Ho
Mujh Ko Itna Jaan Chukay Ho Tum Bhi Naa'n
Mang Rahe Ho Rukhsat Mujh Se Aur Khud Hi
Haath Mein Haath Liye Baithay Ho Tum Bhi Naa'n
Dehaan Mein Aa Kar Baith Gaye Ho Tum Bhi Naa'n
Mujhe Musalsal Dekh Rahe Ho Tum Bhi Naa'n
.jpg)
Comments
Post a Comment