Latest Post
Loading...

Hawa K Zor Sey Pindaar-E-Baam-O-Dar Bhi Gaya, Chiraag Ko Jo Bachaatey Thay ,Un Ka Ghar Bhi Gaya,

Hawa K Zor Sey Pindaar-E-Baam-O-Dar Bhi Gaya,
Chiraag Ko Jo Bachaatey Thay ,Un Ka Ghar Bhi Gaya,

Pukaartey Rahey Mehfooz Kishtiyon Walay,
Main Doobata Hua Dariya K Paar, Utar Bhi Gaya,

Ab Ehtiyaat Ki Diwaar Kya Uthaatey Ho,
Jo Chor Dil Main Chupa Tha, Wo Kaam Kar Bhi Gaya,

Main Chup Raha K Is Main Thi Aafiyat Jaan Ki,
Koi To Meri Tarah Tha ,Jo Daar Par Bhi Gaya,

Sulagtey Sochtey Veeraan Mausamon Ki Tarah,
Karraa Tha ehad-E-Jawani ,Magar Guzar Bhi Gaya,

Jisey Bhoola Na Saka ,Us Ko Yaad Kya Rakhta,
Jo Naam Dil Main Raha, Zehan Sey Utar Bhi Gaya,

Phati-Phati Hui Aankhon Sey Yoon Na Dekh Mujhe,
Tujhe Talaash Hai Jis Ki Wo Shakhs ,Mar Bhi Gaya,

Magar Falak Ki Adaawat Usi K Ghar Sey Na Thi,
Jahaan 'Faraz' Na Tha, Sail-E-Gham Udhar Bhi Gaya !

Ahmed Faraz

0 comments:

Post a Comment

 
Toggle Footer