Naam Sunta Hoon Tera Jab Bharray Sansaar K Beech Lafz Ruk Jaatay Hain Aa Kar Meri Guftaar K Beech

Naam Sunta Hoon Tera Jab Bharray Sansaar K Beech

Lafz Ruk Jaatay Hain Aa Kar Meri Guftaar K Beech

Dil Ki Baaton Main Na Aa Yaar K Is Basti Main

Rooz Dil Waalay Chunnay Jaatay Hain Diwaar K Beech

Aik He Chehra Kitaabi Nazar Aata Hai Humen

Kabhi Aashaar K Bahir Kabhi Aashaar K Beech

Aik Dil Toota Magar Kitni Naqaaben Paltin

Jeet K Pehlo Nikal Aaye Keye Haar K Beech

Koi Mehfil Ho Nazar Is Ki Hamen Par Thehri

Kabhi Apno Main Sataya Kabhi Agiyaar K Beech

Aisay Zahid Ki Qayadat Mian Touba Touba

Kabhi Emaan Ki Baaten, Kabhi Kuffar K Beech

Kabhi Tehzeeb-O-Tamadun Ka Yeh Markaz Tha Mian

Tum Ko Basti Jo Nazar Aati Hai Asaar K Beech

Jis Tarhan Taat Ka Pewand Ho Makhmal Main Mohsin

Magrabi Chaal Chalan Mashraqi Iqdaar K Beech