Yeh arzoo hai k jab bhi galy lagaon ussy
Hisaar e zaat sy bahar nikal laon ussy
Wo jal raha tha Kari dhoop ki tamazat mein
Mila jo ab tu orahon ga apni chaown ussy
Yeh ishq bhi hai ajab imtyhaan e ehd wafa
Wo azmaey mujhy aur mein azmaon ussy
Wo shehr shehr chiraghan sahi magar ik din
Hawaein yaad dilaeingi apna gaon ussy
Wo apny khaab mein shayad mujhi ko daikhta hai
Mein tishna lab sahi sooty mein kia jagaon ussy
Comments
Post a Comment