Kahan Tha Itna Azaab Ashna Mera Chehra Jale Chirag To Bujhne Laga Mera Chehra


Kahan Tha Itna Azaab Ashna Mera Chehra

Jale Chirag To Bujhne Laga Mera Chehra

Woh Tere Hijar Ke Din Woh Safer Sadiyon Ke

Tu Un Dinon Mein Kabhi Dekhta Mera Chehra

Judaiyon Ke Safar Mein Rahe Hain Saath Sada

Teri Talash, ZaMane, Hawa Mera Chehra

Mere Siwa Koi Itna Udaas Bhi To Na Tha

Khizaan Ke Chaand Ko Achaa Laga Mera Chehra

Kitaab Khol Raha Tha Woh Apne Maazi Ki

Warq Warq Pe Bikharta Gaya Mera Chehra

Sehar Ke Noor Se Dhulti Hui Teri Aankhein

Safar Ki Gard Mein Lipta Hua Mera Chehra

Hawa Ka Akhri Bosa Tha Ya QayaMat Thi

Badan Ki Shaakh Se Phir Gir Pada Mera Chehra

Jise Bujha Ke Hawa Sogwar Phirti Hai

Woh ShaMa-E-ShaaM-E- Safar Thi Ke Mera Chehra

Yeh Log Kyon Mujhe Pehchante Nahin  Mohsin

Main Sochta Hoon Kahaan Reh Gaya Mera chehra


No comments:

Post a Comment

Featured post

Main tumko bhool jaonga lekin yeh shart hai Gulshan mein chal ke phool se khushbo juda karo

Main tumko bhool jaonga lekin yeh shart hai Gulshan mein chal ke phool se khushbo juda karo