Latest Post
Loading...

Kuchh log bhi wehmo'n me giraftaar bht hain... Kuchh sheher ki galiyaa'n bhi pur-israar bht hain


Kuchh log bhi wehmo'n me giraftaar bht hain...
Kuchh sheher ki galiyaa'n bhi pur-israar bht hain...
Hai kon..?? Utarta hai wahan jiske liye chaand...??
Kehne ko to chehre pas-e-deewaar bht hain...
Hoto'n pe sulagte hue inkaar pe mat jaa...
Palko'n se parey bheegte iqraar bht hain...
Ye dhoop ki saazish hai k mausam ki sharaarat...??
Saaye wahan kam hain jahan ash'jaar bht hain...
Be-harf-e-talab unko ataa kar kbhii khud se...
Wo yun,, k sawaalii tere khuddaar bht hain...
Tum munsif-o-aadil hi sahi sheher me lekin...
Q khoon k chheentey sir-e-dastaar bht hain...??
Aye hijr ki bastii tu salaamat rahe lekin...
Sunsaan tere koocha-o-baazaar bht hain...
MOHSIN hme zid hai k ho andaaz-e-bayaa'n aor...
Hm log bhi Ghalib k tarafdaar bht hain...!!

0 comments:

Post a Comment

 
Toggle Footer