Kyun Na Nairang-E- Janoon Par Koi Qurbaan Ho Jaa'ye

Poet: Fani Badaayuni

Type By
*._.Murtaza._*

Kyun Na Nairang-E-
Janoon Par Koi
Qurbaan Ho Jaa'ye

Gar Woh Sehraa Ke
Bahaar Aa'ye Toh
Zindaan Ho Jaa'ye

Barq Dum Lene Ko
Thehre Toh Rag-E-
Jaan Ho Jaa'ye

Fitna-E-Hashar
Mujassam Ho Toh
Insaan Ho Jaa'ye

Johar Aaina-E-Dil Hai
Woh Tasveer Hai Tu

Dil Woh Aaina Ke Tu
Dekh Ke Hairaan Ho
Jaa'ye

Gham Woh Rahat Jise
Qissmat Ke Dhanni
Paate Hain

Dum Woh Mushkil Hai
Ke Maut Aa'ye Toh
Aasaan Ho Jaa'ye

Ishq Woh Kufir Ke
Eeman Hai Dil Waloon Ka

Aqal-E-Majboor Woh
Kaafir Ke Musalmaan
Ho Jaa'ye

Zara Woh Raaz-E-
Bayaaban Hai Jo
Afshaa Na Huaa

Dasht-E-Wehshat Hai
Woh Zaraa Jo
Bayaaban Ho Jaa'ye

Gham-E-Mehsos Woh
Baatil Jise Kehte Hain
Majaaz

Dil Ki Hassti Woh
Haqeeqat Hai Jo
Uriyaan Ho Jaa'ye

Khuld Maikhaane Ko
Kehte Hai Baqaul-E-
Wa'iaz

Kaa'ba Buttkhane Ko
Kehte Hain Jo Veeran
Ho Jaa'ye

SAJDAH Kehte Hain
Dar-E-Yaar Pe Mar
Jaane Ko

Qiblaa Woh Sar Hai Jo
Khak-E-Rah-E-Janaan
Ho Jaa'ye

Maut Woh Din Bhi
Dikhaa'ye Mujhe Jis
Din FANI

Zindagi Apni Jafa'oon
Pe Pishemaan Ho
Jaa'ye.....................!

Book Name
Kuliyaat-E-Fani
Page 191