Khalwat me khula hm pe k bebaak thi wo bhi

Khalwat me khula hm pe k bebaak thi wo bhi
Mohtaat the hm log bhi,, chaalaak thi wo bhi
Afkaar me hm log bhi thehre the qad-aawar
Pindaar me "Hum-qaamat-e-aflaak" thi wo bhi
Use paas-e-adab,, "sang-sifat azm" tha uska
Use seel-e-talab,, "soorat-e-khaashaak" thi wo bhi
Jis shab ka girebaa'n tere hatho'n se hua chaak
Ae subah k sooraj,, meri poshaak thi wo bhi
Ek shokh kiran choomne utri thi gulo'n ko
Kuchh der me pevast-e-rag-e-khaak thi wo bhi
Jis aankh ki jumbish pe hui nasb saleebe'n
Maqtal me hme dekh k namnaak thi wo bhi
Dekha jo use,, koi kashish hi na thi usme
Socha jo use,, haasil-e-idraak thi wo bhi
Jo harff mere lab pe raha,, zehar tha MOHSIN
Jo saans mere tan me thi,, saffaak thi wo bhi....!!