Ab Woh Galiyan Wo Makaan Yaad Nahi Kaun Rehta Tha Kahan Yaad Nahi

Ab Woh Galiyan Wo Makaan Yaad Nahi
Kaun Rehta Tha Kahan Yaad Nahi
Jalwa-e-Husn-e-Azal The Woh Dayaar
Jin Ke Ab Naam-o-Nishaan Yaad Nahi
Koi Ujala Sa Bhalaa Sa Ghar Tha
Kis Ko Dekha Tha Wahan Yaad Nahi
Yaad Hai Zeena-e-Pechaan Us Ka
Dar-o-Deewar-e-Makaan Yaad Nahi
Yaad Hai Zamzama-e-Saaz-e-Bahaar
Shor-e-Awaaz-e-Khizaan Yaad Nahi!
Ahmad Mushtaq