Dil munafiq tha shab-e-hijar mein soya kaisa Aur jab tujh se mila toot ke roya kaisa

Dil munafiq tha shab-e-hijar mein soya kaisa
Aur jab tujh se mila toot ke roya kaisa

Zindagi mein bhi ghazal hi ka kareena rakha
Khawaab dar khawab tere gham ko piroya kaisa

Ab to chehron pe bhi katbuo’n ka gumaan hota hai
Aankhain pattahre hui hain lab-e-goya kaisa
Dekh ab qurb ka mausam bhi na sar sabz lage
Hijar hi hijar maraasim mein samoya kaisa
Aik aansoo tha ke dariya-e-nidaamat tha "FARAZ"
Dil se baibaak shanawar ko daboya kaisa