Soraj Turda Naal Barabar Din Kion Lagan Saal Barabar

سورج ٹردا _نال برابر
دن کیوں لگن _سال برابر
وتھ تے سجنا وتھ ہوندی اے
بھاونویں ہووے _وال برابر
اکھ دا چانن _مر جاوے تے
نیلا، پیلا_ لال برابر
جُلی منجی بھین نوں دے کے
ونڈ لئے ویراں_ مال برابر
مرشد جے نہ راضی ہووے
مجرا ، ناچ_ دھمال برابر
اتوں اتوں _پردے پاون
وچوں سب دا _حال برابر

Soraj Turda Naal Barabar

Din Kion Lagan Saal Barabar

Wat Te Sajna Wat Hondi Ye

Bhaveen Hoe Waal Barabar

Aakh Da Chanan Mar Jave Te

Neela Peela Laal Barabar

Juli Manjhi Behin Nu De Ke

Wand Liye Veeraan Maal Barabar

Murshad Jey Na Raazi Hove

Mujra,Naach Dhamaal Barabar

Itoun Utoun Pardey Paon

Wichoon Sab Da Haal Barabar