Woh dushman-e-jaan, jaan se pyara bhi kabhi tha Ab kiss se kahein koi hamara bhi kabhi tha

Woh dushman-e-jaan, jaan se pyara bhi kabhi tha
Ab kiss se kahein koi hamara bhi kabhi tha
Utra hai rag-o-pey main to dil katt sa geya hai
Yeh zeher-e-judaayi ke gawara bhi kabhi tha
Har dost jahan abar-e-gurezaan ki tarah hai
Yeh sheher kabhi sheher hamara bhi kabhi tha
Titlii ke taaqub mein koi phool sa bacha
Aesa hi koi khawb hamara bhi kabhi tha
Ab agley zamaney ke milain log to poochain
Jo haal hamara hai, tumhara bhi kabhi tha
Har bazm main hum ne usey afsurda hi dekha
Kehtey hain Faraz anjuman-e-araa bhi kabhi tha