Yunhi khiza'n ka roop suhana laga mujey
har phool fasl-e-gul main purana laga mujhey
har phool fasl-e-gul main purana laga mujhey
main kya kisi pe sang utthaney ki sochta
apna hi jism aaina khana laga mujhey
ay dost jhoot aam tha dunya main iss qadar
tuney bhi sach kaha to fasana laga mujhey
abb usko kho raha hoon barhey ishtiyaq se
wo jisko dhondhne main zamana laga mujhey
Mohsin hujom-e-yaas main marne ka shok bhi
jeeney ka ik haseen bahana laga mujhey
No comments:
Post a Comment