Dar-e-qafas se parey jab sabaa guzarti hai Kise khabar k aseero'n pe kya guzarti hai

Dar-e-qafas se parey jab sabaa guzarti hai
Kise khabar k aseero'n pe kya guzarti hai
.
Ta'alluqaat kabhi is qadar na toote the
K teri yaad bhi dil se khafaa guzarti hai
.
Wo ab mile bhi to milta hai is tarah jaise
Bujhe charagh ko chhu kr hawaa guzarti hai
.
Faqeer kab k gaye jungalo'n ki simt magar
Galii se aaj bhi unki sadaa guzarti hai
.
Ye ahl-e-hijr ki basti hai ehtiyaat se chal
Museebato'n ki yahan intehaa guzarti hai
.
Bhanwar se bach to gayin kashtiya'n magar ab k
Dilo'n ki khair,, k mauj-e-balaa guzarti hai
.
Na poochh apni anaa ki baghawate'n MOHSIN
Dar-e-Qubool se bach kr Duaa guzarti ha