INSAAN KA BAN'NA KHUDA, KABHI ACHA NAHIN HOTA JANABE SHEIKH SE KEH DO, UNHEN SAJDAH NAHIN HOTA

Dear Friends -Assalam Alaikum , 

Ek ghazal jo yaqeenan aap sab ko pasand aayegi,

 Har sher laajawab zara ghaur se padhiyega aur raaye zaroor dijiyega .

INSAAN KA BAN'NA KHUDA, KABHI ACHA NAHIN HOTA
JANABE SHEIKH SE KEH DO, UNHEN SAJDAH NAHIN HOTA 

  KAHA MUJH SE QALANDAR NE , SAMAJH ASAAN SA NUKTA
GHAME JAANAN HO JIS DIL MAIN , GHAME DUNIYA NAHIN HOTA

TALATUM KHEZ MAUJON MAIN, UTARNA HAI BHIKHRNA HAI
JHAADE ZINDAGI YAARON ,LABE DARIYA NAHIN HOTA 

QALAM PAKDO, JIGAR THAMO ,KAHO DIL KI SUNO DIL KI
NA HO JAB TAK JUNU'N KAAMIL ,SUKHAN PUKHTA NAHIN HOTA

NA HAI RAHZAN KA DAR HUM KO ,NA HI REHBAR KI TAMANNA KUCH
WAHAN SE HUM GUZARTE HAIN, JAHAN RASTAA NAHIN HOTA 

SEEKHA HAI YEH BULBUL SE, SABAQ MEHFIL GADAAZI KA
JIGAAR WOH KHUN KAR NAHIN SAKTA, DIL JO TOOTA NAHIN HOTA 

FAQEERON KI SADA SUN LE, HAR EK BAAFAFA SUN LE
HAR EK DAR PE NAHIN RAKHNA , DIL PYAALAA NAHIN HOTA