Habs-e-Duniya Se Guzar Jaatay Hain Aaisa Kartay Hain Keh Marr Jaatay Hain

Habs-e-Duniya Se Guzar Jaatay Hain.!
Aaisa Kartay Hain Keh Marr Jaatay Hain.!

Kaisay Hotay Hain Bicharnay Waalay.?
Hum Yeh Sochain Bhi To Darr Jaatay Hain.!​

​
Dil Jo Tootey To Sar-e-Mehfil Bhi.!
Baaal Be-Wajah Bikhar Jaatay Hain.!​

​
Ab Na Dekho Meri Banjar Aankhen.!
Charh'tay Daryaa To Utar Jaatay Hain.!​

​
Dhoop Ka Roop Rachaanay Waalay.!
Shaam Ko Aur Nikhar Jaatay Hain.!​

​
Ab Na Murr Murr Kay Pukaaro Unko.!
Log Rastay Men Thehar Jaatay Hain.!​

​
Khaali Damann Say Shikayat Kaisi.?
Aashk Ankhon Men To Bhar Jaatay Hain.!​

​
Tum kahaaan Jao Gay Socho Mohsin.?
Log Thakk Haar Kay Ghar Jaatay Hain.!​