Rind-e-kharaab-haal ko zahid na chedh tu Tujh ko paraaii kya padhi apni nabedh tu

Rind-e-kharaab-haal ko zahid na chedh tu
Tujh ko paraaii kya padhi apni nabedh tu

Chuut'taa hai kaun mar ke griftaar-e-dam-e-zulf
Turbat pe uss ki jaal ka paayega pedh tu

Ay zahid-e-do-rang na peer aap ko banaa
Manind-e-subh-e-kazib abhee hai adedh tu

Awargi se ku-e-mohabbat ki haath utha
Ay ZAUQ yeh utha na sakega khakhed tu