Gali men dard kay purzay talash karti thi Meray khatoot kay tukrray talash karti thi

Gali men dard kay purzay talash karti thi
Meray khatoot kay tukrray talash karti thi

Bhulaaye kon aziyat pasandiyan us ki
Khushi kay dhair men sadmay talash karti thi

Ajab hijar parasti thi us ki fitrat men
Shajar kay tootay pattay talash karti thi
Qayaam karti thi woh mujh men soofiyon ki tarah
Udaas rooh kay goshay talash karti thi
Tamaam raat woh parday hata kay chaand kay saath
Jo kho gaye thay woh lamhay talash karti thi
Kuch is liye bhi meray ghar say us ko thi wehshat
Yahaan bhi apnay hi piyare talash karti thi
Ghuma phira kay judai ki baat karti thi
Hamesha hijar kay harbay talash karti thi
Tamaam raat woh zakhma kay apni poron ko
Meray wajood kay raaz talash karti thi
Duaayen karti thi ujrray huye mazaaron par
Barray ajeeb sahaaray talash karti thi
Mujhay to aaj bataaya hai baadlon nay WASI
Woh laut aanay kay raastay talash karti thi