Aaj yuu’n muskuraa kay aaye ho, Jesay sab kuch bhulaa kay aaye ho,

Aaj yuu’n muskuraa kay aaye ho,
Jesay sab kuch bhulaa kay aaye ho,

Yeh nishani hai dil kay lagnay ki,
Yeh jo tum aaj jaa kay aaye ho,

Bhool kar bhi he tarah koi aaye,
Shehar men yuu’n wafaa kay aaye ho,

Kyun jhapakti nahin meri aankhain,
Chandni men nahaa kay aaye ho,

Dil samandar men chaand sa utra,
Kesi khushbu laga kay aaye ho,

Subha ki avleen kiran ki tarah,
Raat saari jagaa kay aaye ho,

Kaya bahana bana kay jana hai,
Kaya bahana bana kay aaye ho,

Koi jhonkay say kis tarah poochay,
Kitni shammain bhujaa kay aaye ho,

Aa gaye ho to aao, Bismillah,
Dair lekin lagaa kay aaye ho,

Be’kali is qadar kyun Amjad,
Kaya kahin kuch ganwaa kay aaye ho