Phir Meri Aas Bandha Kar Mujhe Mayoos Na Kar,Hasil e Gham Ko Khudara Gham e Hasil Na Bana

اُس کے غم کو، غمِ ہستی تو مِرے دِل نہ بنا
زِیست مُشکل ہے اِسے اور بھی مُشکل نہ بنا

تُو بھی محدُود نہ ہو، مجھ کو بھی محدُود نہ کر
اپنے نقشِ کفِ پا کو مِری منزِل نہ بنا

اور بڑھ جائے گی وِیرانیِ دل جانِ جہاں !
میری خلوت گہہِ خاموش کو محفِل نہ بنا
دِل کے ہر کھیل میں ہوتا ہے بہت جاں کا زِیاں
عِشق کو عِشق سمجھ ، مشغلۂ دِل نہ بنا
پھر مِری آس بندھا کر مجھے مایُوس نہ کر
حاصلِ غم کو، خُدارا غمِ حاصِل نہ بنا