Kafir e ishq ko kya se kya kar diya But parasti ne Haq aashna kar diya

Kafir e ishq ko kya se kya kar diya
But parasti ne Haq aashna kar diya

Koi dekhe haqeeqat mere kufar ki
Main ne jis but ko pooja Khuda kar diya

Dekhne wale kaaba samajhne lage
Kitna roshan tera naqsh e pa kar diya
But parasti mein ki main ne wo bandagi
But kade ko hi qibla numa kar diya
Aye FANA meri mayyat pe kaihte hain wo
Aap ne apna wada wafa kar diya