Angoor Sy Pohncha Tha Na Injeer Sy Pohncha Ras Rooh Talak Bosey Ki Taaseer Sy Pohncha

انگور سے پہنچا تھا نہ انجیر سے پہنچا
رس رُوح تلک بوسے کی تاثیر سے پہنچا
پھر مُند گئیں دروازے کو تکتی ھُوئی آنکھیں
پیغام رساں تھوڑی سی تاخیر سے پہنچا

عُجلت میں پڑے لڑکو ! سُنو میری کہانی
مَیں عشق تلک صبر کی تدبیر سے پہنچا
قیدی کے خطوں پر بڑے پہرے تھے، لہٰذا
پیغام مٹائی ھُوئی تحریر سے پہنچا
قبل اس کے کہ جن قتل ھی کردیتا پری کو
شہزادہ کوئی مُلکِ اساطیر سے پہنچا
پھر پنجتَنِ پاک کی تقدیس بتانے
پیغامِ خُدا آیۂ تطہیر سے پہنچا
وہ گھاؤ ھے گہرا کہ جو پہنچا ھے زباں سے
اُس زخم کی نسبت کہ جو شمشیر سے پہنچا
آنکھوں سے تو ٹپکے گا جو دُکھ اندھے گدا کو
اک گالیاں دیتے ھُوئے رھگیر سے پہنچا !
ورنہ تو میرے پاس عمَل تھے نہ عَلَم تھا
مَیں مولا تلک نوحۂ دلگیر سے پہنچا !
پہنچی مرے دل تک تری آواز کی تاثیر
پھر مَیں ترے در تک اُسی تاثیر سے پہنچا
درکار تھا کُچھ رنگ حُریّت کے عَلَم کو
پھر تازہ لہُو وادئ کشمیر سے پہنچا
ثروت ھو کہ اظہار ھو، تابش ھو کہ جاذب
فارس ! ھمیں سب فیضِ سُخن میر سے پہنچا
رحمان فارس
Angoor Sy Pohncha Tha Na Injeer Sy Pohncha
Ras Rooh Talak Bosey Ki Taaseer Sy Pohncha
Phir Mund Gai’n Darwaazey Ko Takti Hui Aankhein
Peghaam-Rsaa’n Thori Si Taakheer Sy Pohncha
Ujlat Mein Prey Larko ! Suno Meri Kahaani
Main Ishq Talak Sabr Ki Tadbeer Sy Pohncha
Qedi Ky Khton Per Barey Pehrey They, Lehaazaa
Peghaam Mitaai Hui Tehreer Sy Pohncha
Qabl Is Ky K Jin Qatl Hi Kr Deta Pree Ko
Shehzaada Koi Mulk-e-Asaateer Sy Pohncha
Phir Panj’tan-e-Paak Ki Taqdees Btaaney
Peghaam-e-Khuda Aaya-e-Tatheer Sy Pohncha
Wo Ghaao Hy Gehra K Jo Pohncha Hy Zubaa’n Sy
Us Zakhm Ki Nisbat K Jo Shamsheer Sy Pohncha
Aankho’n Sy To Tapkey Ga Jo Dukh Andhey Gdaa Ko
Ik Gaaliyaa’n Detey Huey Rehgeer Sy Pohncha
Warna To Mrey Paas Amal They Na Alam Tha
Main Mola Talak Noha-e-Dilgeer Sy Pohncha
Pohnchi Mrey Dil Tak Tri Aawaaz Ki Taaseer
Phir Main Trey Dar Tak Usi Taaseer Sy Pohncha
Darkaar Tha Kuch Rang Huriyyat Ky Alam Ko
Phir Taaza Lahoo Waadi-e-Kashmeer Sy Pohncha
Sarwat Ho K Izhaar Ho, Tabish Ho K Jaazib
Faris ! Hamein Sab Faiz-e-Sukhan Meer Sy Pohncha
Rehman Faris