Dil k dariya ko kisi roz utar jana hai
Itna besimt na chal laut ke ghar jana hai
Itna besimt na chal laut ke ghar jana hai
Us tak ati hai to har chiz thahar jati hai
Jaise pana hi use asl main mar jana hai
Bol ai sham-e-safar rang-e-rihai kya hai
Dil ko rukana hai k taron main thahar jana hai
Kaun ubharate hue mahatab ka rasta roke
Us ko har taur su-e-dasht-e-sahar jana hai
Main khila hun to isi khak main milna hai mujhe
Vo to khushbu hai use agle nagar jana hai
Vo tere husn ka jadu ho k mera gam-e-dil
Har musafir ko isi ghat utar jana hai
Amjad Islam Amjad
No comments:
Post a Comment