Har Cheez Mushtarak Thi Hamari Sewai Naam Aur Aaj Reh Gaya Hai Ta'aluq Barai-Naam

ھر چیز مُشترک تھی ھماری، سِوائے نام
اور آج رہ گیا ھے تعلُّق ، برائے نام

اشیائے کائنات سے نا آشنا تھا مَیں
پھر ایک اِسم نے مُجھے سب کے سِکھائے نام

تب مَیں کہوں کہ سچّا ھُوں یک طرفہ عشق میں
وہ میرا نام پُوچھے، مُجھے بُھول جائے نام

وہ دلرُبا بھی تھی کسی شاعر کی کھوج میں
مَیں نے بھی پھر بتایا تخلّص ، بجائے نام

محفِل میں چُپ بھی بیٹھوں تو پہچانتے ھیں لوگ
بدنام ھو کوئی تو کہاں تک چُھپائے نام

لشکر بنا رھا ھُوں جوانانِ عشق کا
جس میں بھی آگ ھے، مُجھے مِل کر لکھائے نام

مَیں نام رکھ نہ پایا گُلِ نَو شگُفتہ کا
حالانکہ شاخِ گُل نے ھزاروں سُجھائے نام

تُو عشق پائے عشق کے مرنے کے بعد بھی
فارس ! مزارِ دل پہ ترا جگمگائے نام
 

رحمان فارس

Har Cheez Mushtarak Thi Hamari Sewai Naam

Aur Aaj Reh Gaya Hai Ta'aluq Barai-Naam

Aashiya e Kainaat Se Na-Aashna Tha Main

Phir Aik Ism Ne Mujhe Sab Ke Sekhaye Naam

Tab Main Kahon Keh Sachha Hon Yak-Tarfa Ishq Mein

Woh Mera Naam Poochay , Mujhe Bhool Jae Naam

Woh Dilruba Bhi Thi Kisi Shair  Ki Khoj Mein

Main Ne Bhi Phir Bataya Takhalus Bajae Naam

Mehfil Mein Chup Bhi Baithon Tou Pehchanty Hain Log

Bad-Naam Ho Koi Tou Kahan Tak Chupaye Naam

Lashkar Bana Raha Hon Jawanan e Ishq Ka

Jis Mein Bhi Aag Hai , Mujhe Mil Kar Lekhaye Naam

Main Naam Rakh Na Paya Gul e Nou Shagufta Ka

Halanke Shakh e Gul Ne Hazaron Sujhaye Naam

Tu Ishq Paye Ishq Ke Marny Ke Baad Bhi

Faris ! Mazar e Dil Pe Tera Jagmagaye Naam

Rehman Faris