Koi Laa Sako To Laao Mera Wo Haseen Zamaana Jise Main Ne Kuchh Na Samajha Jise Main Ne Kuchh Na Jaana

"Nazeer Banarasi"

25 Nov 1909 Banaras U.P

23 March 1996 Banaras U.P. India
Pen name- Nazeer

 Koi Laa Sako To Laao Mera Wo Haseen Zamaana
Jise Main Ne Kuchh Na Samajha Jise Main Ne Kuchh Na Jaana
 

Mujhe Gham Nahen Hai Is Ka Ki Badal Gaya Zamaana
Meri Zindagi Ke Maalik Kahen Tum Badal Na Jaana
 

Mere Paas Waqt Thoda Mere Waaqyaat Lambe
Kahaan Sar-Guzasht Apani Na Suno Mera Fasaana
Waqyaat = Incident; Sar-Guzasht = Account/story
 

Mujhe Yaad Aaj Bhi Hai Jo Karam Hua Hai Mujh Pe
Mera Gham Abhi Hai Taaza Mere Saamane Na Aana
 

Ye Andheri Raat Mein Tum Kahaan Ja Rahe Ho Tanha
Na Tumhaari Raah Roke Kahen Be-Adab Zamaana

Be-Adab = Ill-Mannered
 

Jahaan Thahare Qalb-E-Muztar Wo "Nazeer" Meri Manzil
Jahaan Rok Ke Saans Le Loon Wahen Ab Mera Thikaana

Qalb-E-Muztar = Restless Heart