Raat aa baithi hai pehlo mein sitaro takhliya
Ab humein darkaar hai khilwat so yaaro takhliya
Aankh wa hai aur husn-e-yaar hai paish-e-nazar
Shash-jihat ke baqi-manda sab nazaro takhliya
Dekhne wala tha manzar jab kaha darwaish ne
Kaj-kulaho badshaho taj-daro takhliya
Gham se ab hogi barah-rast meri guftago
Dosto teemardaro gham-gusaro takhliya
Chaar janib hai hujoom-e-na-shayan-e-sukhan
Aaj poore zor se "Faris" pukaaro takhliya
Poet:Rehman Faris
No comments:
Post a Comment