Yahi dua hai yahi hai salam ishq ba-khair Mere sabhi rufaqa-e-kiram ishq ba-khair

Yahi dua hai yahi hai salam ishq ba-khair
Mere sabhi rufaqa-e-kiram ishq ba-khair

Dayar-e-hijar ki suni udas galiyon mein
Pukarta hai koi subah-o-shaam ishq ba-khair

Main kar raha tha dua ki guzareshen us se
So keh gai hai udasi ki shaam ishq ba-khair

Bade ajeeb hain shehr-e-junoon ke bashende
Hamesha kehty hain baad-az-salam ishq ba-khair

Ye raah zaroor tumhare hi ghar ko jaati hai
Lekha hoa hai yahaan gaam gaam ishq ba-khair

Bayan ki hai ghazal-war dastan-e-ishq
So is kitaab ka rakkha hai naam ishq ba-khair

Ufaq ke paar mujhe yaad kar raha hai koi
Abhi mila hai udhar se payaam-e-ishq ba-khair

Poet:Rehman Faris