جگ ھے نشانہ عشق دا
گھر گھر فسانہ عشق دا
منزل ھے گہری عشق دی
وکھری کچہری عشق دی
جنگل وچ ڈیرے عشق دے
عرشاں تے پھیرے عشق دے
مَندا اے گل مطلوب دی
سُندا اے گل محبوب دی
رکھدا عقل نال ویر اے
کُتیاں دے چُمدا پیر اے
کردا کسے دا ککھ نئیں
چھڈدا کُلی دا ککھ نئیں
چمڑا لوایا عشق نے
بُلھا نچایا عشق نے
کُھوہے سٹایا عشق نے
مصرے وِکایا عشق نے
کردا کِتے اے زاریاں
بخشے کِتے سرداریاں
کُٹھی زلیخا عشق نے
لُٹی زلیخا عشق نے
کِتے جِتدا کتے ھاردا
کِتے ڈوبدا کِتے تاردا
منہ چُم لیندا دار دا،
اگاں وچ چھالاں ماردا
پتھر پوائے عشق نے
دند وی کڈائے عشق نے
وکھری نماز اے عشق دی
وکھری نیاز اے عشق دی
راہواں کسے لئ کھولدا
مونہوں وی کُج نئیں بولدا
سجناں نوں پھِردا تولدا
حافظ، اے در در رولدا
گھر گھر فسانہ عشق دا
منزل ھے گہری عشق دی
وکھری کچہری عشق دی
جنگل وچ ڈیرے عشق دے
عرشاں تے پھیرے عشق دے
مَندا اے گل مطلوب دی
سُندا اے گل محبوب دی
رکھدا عقل نال ویر اے
کُتیاں دے چُمدا پیر اے
کردا کسے دا ککھ نئیں
چھڈدا کُلی دا ککھ نئیں
چمڑا لوایا عشق نے
بُلھا نچایا عشق نے
کُھوہے سٹایا عشق نے
مصرے وِکایا عشق نے
کردا کِتے اے زاریاں
بخشے کِتے سرداریاں
کُٹھی زلیخا عشق نے
لُٹی زلیخا عشق نے
کِتے جِتدا کتے ھاردا
کِتے ڈوبدا کِتے تاردا
منہ چُم لیندا دار دا،
اگاں وچ چھالاں ماردا
پتھر پوائے عشق نے
دند وی کڈائے عشق نے
وکھری نماز اے عشق دی
وکھری نیاز اے عشق دی
راہواں کسے لئ کھولدا
مونہوں وی کُج نئیں بولدا
سجناں نوں پھِردا تولدا
حافظ، اے در در رولدا
No comments:
Post a Comment