Ahista chal Zindagi

Very nice Tribute to the Passing Year 2019

 A Poem by Gulzar

Ahista chal Zindagi

 
Abhi kai Qarz Chukana baaki hai

Kuch Dard Mitana baaki hai
Kuch Farz Nibhana baaki hai

Raftaar mein Tere chalne se
Kuchh Rooth gaye, Kuch Chhoot gaye

Roothon ko Manana baaki hai
Rooton ko Hasana baaki hai

Kuch Hasraatein abhi Adhori hain
Kuch Kaam bhi aur Zaroori hai

Khwahishein jo Ghut Gayi is Dil mein
Unko Dafnana baaki hai

Kuch Rishte Ban kar Toot gaye
Kuch Judte Judte Chhoot gaye

Un Tootte Chhootte Rishton ke
Zakhmon ko Mitana baki hai

Tu Aage chal Main aata hoon
Kya chhod Tujhe Ji paunga ?

In Saanson par Haq hai Jinka
Unko Samjhaana baaki hai

Aahista chal Zindagi
Abhi kai Qarz Chukana baaki hai