Naya saal aaya naya saal aaya
umeedon ka dil mein diya jagmagaya
naye saal ka ham ko paigham kya hai
naye saal mein ab naya kaam kya hai
purana tareeqa badalna hai ham ko
taraqqi ki rahon pe chalna hai ham ko
andhere ke daman ko ham chaak kar dein
watan ki fazaon ko noor-e-sahar dein
sunen dard-mandon ki fariyad kya hai
ghareebon pe dar-asl uftad kya hai
uthen aur dukhiyon ka dukh door kar dein
masarrat se har dil ko ma'amoor kar dein
nayi raushni se faza jagmagayen
naye saaz par ab naye geet gaayen
Syeda Farhat
purana tareeqa badalna hai ham ko
taraqqi ki rahon pe chalna hai ham ko
andhere ke daman ko ham chaak kar dein
watan ki fazaon ko noor-e-sahar dein
sunen dard-mandon ki fariyad kya hai
ghareebon pe dar-asl uftad kya hai
uthen aur dukhiyon ka dukh door kar dein
masarrat se har dil ko ma'amoor kar dein
nayi raushni se faza jagmagayen
naye saaz par ab naye geet gaayen
Syeda Farhat
No comments:
Post a Comment