Muhabbat Ko Bhulana Chaahiye Tha Mujhay Jee Kar Dikhana Chaahiye Tha

Muhabbat Ko Bhulana Chaahiye Tha
Mujhay Jee Kar Dikhana Chaahiye Tha

Mujhay To Saath Bhi Us ka Bohat Tha
Usay Saara Zamaana Chaahiye Tha

Tum Us Kay Bin Adhooray Ho Gaye Ho
Tumhen Us ko Bataana Chaahiye Tha
Chiraaghaan Ho Raha Tha Shehar Bhar Men
Mujhay Bhi Dil Jalaana Chaahiye Tha
Suno! Yeh Khamoshi Achi Nahin Thi
Hamen Mehshar Uthaana Chaahiye Tha
Muhabbat Ka Taqaazah Tha Aggr Yeh
Mujhay Har Gham Chhupana Chaahiye Tha
Yeh Aisay Haar Kyun Maani Thi Tum Nay??
Muqaddar Aazmana Chaahiye Tha
Yeh Aanso Hain Alaamat Buzdili Ki
Dekhon Tumhe to Muskurana Chaahiye Tha