"خورے کیڑی گل سی"
گَل کِسے کیتی سی
خَورے کیہڑی گل سی؟؟
خَورےکِنے کیتی سی؟؟
خَورے کدوں کیتی سی؟؟
خَورے کی تریک سی؟؟
خَورے کیہڑا وار سی؟؟
رب جانے بدھ سی کہ یا اتوار سی
خَورے کیہڑا ویلا سی؟؟
شام دا ھنیرا سی
کہ فجری دا نُور سی؟؟
کوئی اُگھ سُگھ نئیں
ٹھنڈ سی کہ نِگھ سی؟؟
دُھپ سی کہ چھاں سی؟؟
شہر سی گَراں سی؟؟
خَورےکیہڑی تھاں سی؟؟
خَورے کیہڑی رُت سی
امبیاں تے امب سَن یا اَجے بُور سی
چیتے دی بھڑولی دیاں گُٹھاں پیا پھولناں
ویلے دیاں لیراں والا کھینُو پیا کھولناں
کاھنو کسے کیتی سی ؟؟
تے گل کیویں کیتی سی؟؟
جنہے کنہے کیتی سی
وہ نیڑے سی کہ دُور سی؟؟
گَل دا سواد ھوندا اے
خَورے کی سواد سی؟؟
پِھکی سی کراری سی
کھٹی سی کہ کھاری سی؟؟
تُمے وانگوں کَوڑی سی؟؟
کہ یا موتی چُور سی ؟؟
گَل کوئی ضرور سی
"انور مسعود"
گَل دا سواد ھوندا اے
خَورے کی سواد سی؟؟
پِھکی سی کراری سی
کھٹی سی کہ کھاری سی؟؟
تُمے وانگوں کَوڑی سی؟؟
کہ یا موتی چُور سی ؟؟
گَل کوئی ضرور سی
"انور مسعود"
No comments:
Post a Comment