maana keh teray dill mein koi aur makee'n hai
tu bhi tau meri jaan hai aur mera yaqee'n hai
main jabar kay sajdo'n mein giroo'n toot na jaa'uun
patthar kay Khuda'o.. meri sheeshay ki jabee'n hai
aainay tujhay teri khabar day na saken gay
aa dekh meri aankh mein tu kitna hasee'n hai
deewaar mein chunwa kay mujhay jurm e wafa par
ay meray shehnshah tu paresha'n to nahee'n hai
palko'n say tha tarasha, jisey ham nay wo heera
matt puchh keh wo kis ki angoothi ka nagee'n hai
No comments:
Post a Comment