Husn Lafzon Mein Na Rangon Mein Bayan Hota Hai Tere Honton Pe Gulabon Ka Gumaan Hota Hai

حُسن لفظوں میں نہ رنگوں میں بیاں ہوتا ہے
تیرے ہونٹوں پہ گلابوں کا گماں ہوتا ہے
تُو کسی اور جہانوں سے اتارا ہوا ہے
کوئی ایسا بھی حسیں ورنہ کہاں ہوتا ہے
ہائے وہ شخص وہ خوشبو سے تراشا پیکر
جس کو آنکھوں سے بھی چھو لیں تو زیاں ہوتا ہے
یہ تِرے پاؤں یہ جادو سے بھرے پاؤں تِرے
دشت میں رکھ دے اگر دریا رواں ہوتا ہے
حد تو یہ ہے کہ وہ خوابوں میں چلا آئے تو
صبح بستر پہ گلابوں کا نشاں ہوتا ہے
اُس کو چھونے سے رگ و پے میں اُتر آیا ہے
یہ نشہ جو مری آنکھوں سے عیاں ہوتا ہے