Jo Chiraagh Sare Bujha Chukay , Unhein Intezar Kahan Raha Ye Sukoon Ka Daur e Shadeed Hai ,Koi Be-Qarar Kahan Raha

 

جو چراغ سارے بُجھا چُکے، اُنھیں اِنتِظار کہاں رہا
یہ سُکوں کا دَورِ شدِید ہے، کوئی بے قرار کہاں رہا
Jo Chiraagh Sare Bujha Chukay , Unhein Intezar Kahan Raha
Ye Sukoon Ka Daur e Shadeed Hai ,Koi Be-Qarar Kahan Raha
جو دُعا کو ہاتھ اُٹھائے بھی، تو مُراد یاد نہ آ سکی
کسی کارواں کا جو ذکر تھا، وہ پَسِ غُبار کہاں رہا
Jo Dua Ko Haath Uthaye Bhi , Tou Murad Yaad Na Aa Saki
Kisi Karwaan Ka Jo Zikar Tha , Woh Pas e Ghubar Kahan Raha
یہ طلُوعِ روزِ ملال ہے،سو گِلہ بھی کِس سے کریں گے ہم
کوئی دِل رُبا، کوئی دِل شکن، کوئی دِل فگار کہاں رہا
Ye Tuloo e Roz Malaal Hai , So Gila Bhio Kis Se Kareingy Hum
Koi Dil Raha , Koi Dil-Shikan , Koi Dil Fagar Kahan Raha
کوئی بات خواب و خیال کی، جو کرو تو وقت کٹے گا اب
ہَمیں موسموں کے مزاج پر، کوئی اعتبار کہاں رہا
Koi Baat Khuwaab o Khayal Ki , Jo Karo Tou Tou Waqt Katay Ga Ab
Humain Mousamon Ke Mizaj Par , Koi Aitbaar Kahan Raha
ہَمیں کُو بہ کُو جو لیِے پِھری، کسی نقشِ پا کی تلاش تھی
کوئی آفتاب تھا ضو فگن سرِ رہ گُزار کہاں رہا
Humain Koo-Ba-Koo Jo Liye Phiri,Kisi Naqsh e Paa Ki Talash Thi
Koi Aaftaab Tha Zufagan Sar e Rah-Guzar Kahan Raha
مگر ایک دُھن تو لگی رہی، نہ یہ دِل دُکھا، نہ گِلہ ہُوا
کہ نِگہ کو رنگِ بہار پر، کوئی اِختیار کہاں رہا
Magar Aik Dhun Tou Lagi Rahi,Na Ye Dil Dukha,Na Gila Raha
Keh Nigah Ko Rang e Bahar Par , Koi Ikhtiyar Kahan Raha
سر ِدشت ہی رہا تشنہ لب، جسے زندگی کی تلاش تھی
جسے زندگی کی تلاش تھی لب جوئبار کہاں رہا
Sar e Dasht Hi Raha Tishna Lab , Jise Zindagi Ki Talash Thi
Jise Zindagi Ki Talash Thi Lab Joeibaar Kahan Raha
ادٓا جعفری
Ada Jafri