Ik Din BARRI Hal Ho Janadi Mushkil Jee Ae Thoday Dinan Tuu

وگڑ گئی اے تھوڑے دناں توں 

دوری پئی اے تھوڑے دناں توں

 

تیرے ہندیا پیندے نئیں ساں

پینی پئی اے تھوڑے دناں توں

 

چن جیا مکھڑا نظر نئی آوندا

رُت سرمئی اے تھوڑے دناں توں

 

شام سویرے آجاندے سن

خبر نہ لئی اے تھوڑے دناں توں

 

دل مر جانا ہن تک ڈردا

چوٹ تے سئی اے تھوڑے دناں توں

 

اک دن بری حل ہو جانڑی

 مشکل جئی اے تھوڑے دناں توں

 

بَری نظامی

Barri Nizami