Raqs Karte Hoe Lamhon Se Buhat Khelta Tha
Be-Khudi Mein Main Zamanon Se Buhat Khelta Tha
Bichadnay Wale Ye Batatay Hein Selaab Se Qabal
Ye Jo Darya Hai Kinaron Se Buhat Khelta Tha
Main Khilono Se Kabhi Bhi Nahi Khela Ae Dost
Khuwaab Hotay Thay Main Khuwabon Se Buhat Khelta Tha
Ab Tou Be-Rang Udaasi Hai Meri Aankhon Mein
MAA Batati Hai Main Rangon Se Buhat Khelta Tha
Uske Halqay Mein Chand Aik Shikaari Thay SALEEM
Aur Kuch Main Bhi Parindon Se Buhat Khelta Tha
No comments:
Post a Comment