Dukh Dard Ki Soghat Hai Dunya Teri Kia Hai Ashkon Bhari Barsaat Hai Dunya Teri Kia Hai

Dukh Dard Ki Soghat Hai Dunya Teri Kia Hai

Ashkon Bhari Barsaat Hai Dunya Teri Kia Hai

Kuch Log Yahan Noor e Sahar Dhoond Rahe Hein

Tareek See Ik Raat Hai  Dunya Teri Kia Hai

Taqdeer Ke Chehre Ki Shikan Daikh Raha Hon

Aaina e Halaat Hai Dunya Teri Kia Hai

Paband Masheeat Hai Tanafas Bhi Nazar Mein

Ik Jazba e Lamhat Hai  Dunya Teri Kia Hai

Majrooh Taqadus Hai Taqadus Ki Haqeeqat

Rodad e Kharabaat Hai Dunya Teri Kia Hai

SAGHAR Mein Chalaktay Hein Samawaat Ke Asrar

Saqi Ki Kiramaat Hai Dunya Teri Kia Hai