Khushal Se Tum Bhi Lagty Ho Yun Afsurda Tou Hum Bhi Nahi
خوشحال سے تُم بھی لگتے ہو
یوں افسردہ تو ہم بھی نہیں
پر جاننے والے جانتے ہیں
خوش تم بھی نہیں خوش ہم بھی نہیں
تم اپنی خودی کے پہرے میں
ہم اپنے زعم کے نرغے میں
انا ہاتھ ہمارے پکڑے ہوئے
اک مدت سے غلطاں پیچاں
ہم اپنے آپ سے الجھے ہوئے
پچھتاوں کے انگاروں میں
محصورِ تلاطم آج بھی ہیں
گو تم نے کنارے ڈھونڈ لیئے
طوفاں سے سنبھلے ہم بھی نہیں
کہنے کو سہارے ڈھونڈ لیئے
خاموش سے تم، ہم مہر بہ لَب
جگ بیت گئے ٹُک بات کیئے
سنو کھیل ادھورا چھوڑتے ہیں
بِنا چال چلے بِنا مات دیئے
جو چلتے چلتے تھک جایئں
وہ سائے رک بھی سکتے ہیں
چلو توڑو قسم اقرار کریں
ہم دونوں جھک بھی سکتے ہیں
(خلیل اللہ فاروقی)
Comments
Post a Comment