دن ڈھلا ، شام ہوئی،چاند ستارے نکلے
تم نے وعدہ تو کیا،گھرسے نہ پیارے ! نکلے
Din Dhala , Sham Hoi , Chand Sitare Nikly
Tum Ne Wada Tou Kia , Ghar Se Na Piyare ! Nikly
دوست جتنے تھے,وہ دشمن مِرے سارے نکلے
دم بھرا میرا,طرفدار تمھارے نکلے
Dost Jitne Thay , Woh Dushman Mere Sare Nikly
Dum Bhara Mera , Tarafdar Tumhare Nikly
اور پھر اور ہیں,اوروں کا گِلہ کیا کرنا
ہم نے پرکھا جو تمھیں,تم نہ ہمارے نکلے
Aur Phir Aur Hein , Aoron Ka Gila Kia Karna
Hum Ne Parkha Jo Tumhein , Tum Na Hamare Nikly
غم و آلام کے ماروں کا بُہت تھا چرچا
وہ بھی کم بخت،تِرے عشق کے مارے نکلے
Gham o Aalaam Ke Maron Ka Buhat Tha Charcha
Woh Bhi Kam Bakht , Tere Ishq Ke Mare Nikly
وائے قسمت کہ نہ راس آئی مُحبت ہم کو
ہائے تقدیر کہ وہ بھی نہ ہمارے نکلے
Waaye Qismat Keh Na Raas Aai Muhabbat Hum Ko
Haaye Taqdeer Keh Woh Bhi Na Hamare Nikly
جیتے جی ہم نہ ہلے اپنے ٹھکانے سے نصیر
اُن کے کُوچے سے جنازے ہی ہمارے نکلے
Jeetay Jee Hum Na Hily Apne Thikanay Se NASEER
Unke Koochay Se Janazay Hi Hamare Nikly
نصیر الدین شاہ نصیر
Naseer o Deen Naseer
No comments:
Post a Comment