فضا مغموم ہے ساقی! اُٹھا چھلکائیں پیمانہ
اندھیرا بڑھ چلا ہے لا ذرا قندیلِ میخانہ
Fiza Maghmoom Hai Saqi ! Utha Chalkaein Paimana
Andhera Barh Chala Hai La Zara Qandeel e Maikhana
بہ فیضِ زندگی گذرے ہیں ایسے مرحلوں سے ہم
کہ اپنے راستے میں اب نہ بستی ہے نہ ویرانہ
Ye Faiz e Zindagi Guzre Hein Aise Marhalon Se Hum
Keh Apne Rastay Mein Ab Na Basti Hai Na Weerana
بس اتنی بات پر دشمن بنی ہے گردشِ دوراں
خطا یہ ہے کہ چھیڑا کیوں تری زلفوں کا افسانہ
Bas Itni Baat Par Dushman Bani Hai Gardish e Dauran
Khata Ye Hai Keh Chaida Kion Teri Zulfon Ka Afsana
چراغِ زندگی کو ایک جھونکے کی ضرورت ہے
تمہیں میری قسم ہے پھر ذرا دامن کو لہرانا
Charagh e Zindagi Ko Aik Jhonkay Ki Zaroorat Hai
Tumhein Meri Qasam Hai Phir Zara Daman Ko Lehrana
دلوں کو شوق سے روندو، خرامِ ناز فرماؤ
اگر محشر ہوا تو پھر مجھے مجرم نہ ٹھہرانا
Dilon Ko Shouq Se Rondo , Khiram Naz Farmao
Agar Mahshar Howa Tou Phir Mujhe Mujrim Na Thehrana
تری محفل میں ساغرؔ سا بھی کوئی اجنبی ہوگا
یہ ظالم ایک مدت سے نہ اپنا ہے نہ بیگانہ
Teri Mehfil Mein SAGHAR Sa Bhi Koi Ajnabi Hoga
Ye Zalim Aik Muddat Se Na Apna Hai Na Begana
ساغر صدیقی
Saghar Siddiqui
No comments:
Post a Comment