توں آکھیں تے کر جانا واں
مرنا ای اے نا مرجانا واں
انج اتھرو نئیں ڈگن دیندا
پر جد اندروں کھر جانا واں
پھلاں تے سرداری اوندی
میں ویکھاں تے ٹھر جانا واں
لوکی ہنس کے ملدے مینوں
قسمیں میں تے ڈر جانا واں
میں اکھاں دے پانی اتے
روز اک جیون تر جاناواں
غربت کٹکاں دی کھڈکارن
روز نماشیں ہر جانا واں
شامیں اوتھے خوشی نہ لبھے
دھمی جتھے دھر جانا واں
ویلا اودوں ملم لیاوے
جد میں صدمہ جر جانا واں
ناصر گن لا ہر شئے اپنی
میں ہن اپنے گھر جانا واں
رائے ناصر خاں کھرل
No comments:
Post a Comment