وہ ساحلوں پہ گانے والے کیا ھوئے
وہ کشتیاں چلانے والے کیا ھوئے
Woh Sahilon Peh Gane Wale Kia Hoe
Woh Kashtiyan Jalane Wale Kia Hoe
وہ صبح آتے آتے رہ گئی کہاں
جو قافلے تھے آنے والے کیا ھوئے
Woh Subah Aate Aate Reh Gai Kahan
Jo Qafly Thay Aany Wale Kia Hoe
میں ان کی راہ دیکھتا ھوں رات بھر
وہ روشنی دکھانے والے کیا ھوئے
Main Unki Rah Daikhta Hon Raat Bhar
Woh Roshni Dekhany Wale Kia Hoe
یہ کون لوگ ھیں مرے اِدھر اُدھر
وہ دوستی نبھانے والے کیا ھوئے
Yeh Kon Log Hein Mere Idhar Udhar
Woh Dosti Nibhany Wale Kia Hoe
وہ دل میں کُھبنے والی آنکھیں کیا ھوئیں
وہ ھونٹ مسکرانے والے کیا ھوئے
Woh Dil Mein Kubhny Wali Aankhein Kia Hoein
Woh Hont Muskurany Wale Kia Hoe
عمارتیں تو جل کے راکھ ھو گئیں
عمارتیں بنانے والے کیا ھوئے
Imaratein Tou Jal Ke Raakh Ho Gaein
Imaratein Banany Wale Kia Hoe
اکیلے گھر سے پوچھتی ھے بے کسی
ترا دیا جلانے والے کیا ھوئے
Akely Ghar Se Poochti Hai Be-Kasi
Tera Diya Jalany Wale Kia Hoe
یہ آپ ھم تو بوجھ ھیں زمین کا
زمیں کا بوجھ اٹھانے والے کیا ھوئے
Yeh Aap Hum Tou Bojh Hein Zameen Par
Zameen Ka Bojh Uthany Wale Kia Hoe
ناصر کاظمی
Nasir Kazmi
No comments:
Post a Comment