Jalway Machal Rahe Hein Nazaron Ki Aag Mein Kuch Phool Jal Rahe Hein Baharon Ki Aag Mein

Jalway Machal Rahe Hein Nazaron Ki Aag Mein
Kuch Phool Jal Rahe Hein Baharon Ki Aag Mein

Aasheetgai Se Choor Hein Zulfon Ki Badliyan
Saqi Sharaab Dal Chinaron Ki Aag Mein

Palkon Mein Bheegi Bheegi Hein Kajly Ki Dhariyan
Shabnam Mehik Rahi Hai Shararon Ki Aag Mein

Gar Mai Nahi Tou Piyar Ke Do Bol Hi Sahi
Kuch Tou Kami Ho Badah-Gusaron Ki Aag Mein

ALLAH Re Yaqeen e Muhabbat Ki Dastan
Daman Sulag Raha Hai Sitaron Ki Aag Mein

Kehti Hein Na-Khuda Se Yeh Sochon Ki Shorashein
Tere Bhi Mashware Thay Kinaron Ki Aag Mein

SAGHAR Raheingy Ronaq e Bazar Aarzoo
Asha'ar Jo Kahe Hein Nigaron Ki Aag Mein

 
Poet:Saghar Siddiqui
Kulyat e Saghar
Page No 241-242