Kia Samaan Tha Bahar Se Pehly Gham Kahan Tha Bahar Se Pehly

Kia Samaan Tha Bahar Se Pehly
Gham Kahan Tha Bahar Se Pehly

Aik Nanha Sa Aarzoo Ka Diya
Zoofishan Tha Bahar Se Pehly

Ab Tamasha Hai Chaar Tinkon Ka
Aashiyan Tha Bahar Se Pehly

Ae Mere Dil Ke Dard , Tu Hi Bata
Tu Kahan Tha Bahar Se Pehly

Pichli Shab Mein Khizan Ka Sannata
Hum-Zuban Tha Bahar Se Pehly

Chandni Mein Yeh Aag Ka Dariya
Kab Rawaan Tha Bahar Se Pehly

Ban Gaya Hai Sahab e Mousam e Gul
Jo Dhuwaan Tha Bahar Se Pehly

Lut Gai Dil Ki Zindagi SAGHAR
Dil Jawan Tha Bahar Se Pehly

 
Poet:Saghar Siddiqui
Kulyat e Saghar
Page No 203-204