Kuch Kaif e Sahar Hai Na Mujhe Shaam Ka Nasha Hai Mere Liye Badah e Be-Nam Ka Nasha

Kuch Kaif e Sahar Hai Na Mujhe Shaam Ka Nasha
Hai Mere Liye Badah e Be-Nam Ka Nasha

Aankhon Se Chalakty Hoe Irfan Ke Tarany
Zulfon Se Barasta Hoa Ilham Ka Nasha

Har Gaam Larazty Hoe Tadbeer Ke Paikar
Taqdeer Ki Aankhon Hai Aalaam Ka Nasha

Har Dil Mein Tadapty Hoe Arman Ki Kahani
Har Aankh Mein Khoon e Dil Na-Kaam Ka Nasha

Phir Doob Gaya Gaisoo e Janaan Ki Mehik Mein
Do Din Tou Raha Gardish e Ayyaam Ka Nasha

Hein Sheesha o SAGHAR Ke Rang Yahan Anokhy
Hai Aik Yahan Badah o Gulfaam Ka Nasha

 
Poet:Saghar Siddiqui
Kulyat e Saghar
Page No 233