Mere Chaman Mein Baharon Ke Phool Mehkeingy Mujhe Yaqeen Hai Shararon Ke Phool Mehkeingy

Mere Chaman Mein Baharon Ke Phool Mehkeingy
Mujhe Yaqeen Hai Shararon Ke Phool Mehkeingy

Kabhi Tou Deedah e Nargas Mein Roshni Hogi
Kabhi Tou Ujday Diyaron Ke Phool Mehkeingy

Tumhari Zulf e Pareshan Ki Aabroo Ke Liye
Kai Ada Se Chinaron Ke Phool Mehkeingy

Chamak Hi Jayegi Shabnam Lahoo Ke Boondon Se
Rawish Rawish Peh Sitaron Ke Phool Mehkeingy

Hazaron Mouj e Tamanna Sadaf Uchaly Gi
Talatamon Se Kinaron Ke Phool Mehkeingy

Ye Keh Rahi Hai Fizaein Bahar Ki SAGHAR
Jigar Feroz Isharon Ke Phool Mehkeingy

 
Poet:Saghar Siddiqui
Kulyat e Saghar
Page No 183