Mizaj e Shamma Mein Kuch Zauq e Parwana Bhi Hota Tha Kisi Ke Nam Us Mehfil Mein Deewana Bhi Hota Tha

Mizaj e Shamma Mein Kuch Zauq e Parwana Bhi Hota Tha
Kisi Ke Nam Us Mehfil Mein Deewana Bhi Hota Tha

Pareshan Hasraton Ki Be-Naqabi Daikhne Walo
Isharon Par Humare Raqs e Parwana Bhi Hota Tha

Jahan Ulfat Nibhane Ke Haseen Iqrar Hote Thay
Qareeb e Shehar , Yaaro ! Aik Weerana Bhi Hota Tha

Yaqeen e Zindagi Ko Mua'atabar Jis Ne Kia SAGHAR
Haqeeqat Ke Saheefon Mein Woh Afsana Bhi Hota Tha

 
Poet:Saghar Siddiqui
Kulyat e Saghar
Page No 197